「人民是為了生存而守法，不是為了守法而生存」
(打呢篇文的時候，朋友告訴我fb ig 出唔到圖，岩哂我呢啲鐘意打好多字嘅人)
覺得呢排大家太Concentrated 喺一啲事上，不如又轉個話題.......
最近睇咗一套短片《車四十四》，同大家開心share 下，個短片喺2001年拍，當年仲喺威尼斯電影節，康城影展拎獎，覺得最近想轉個話題嘅朋友，去睇吓，鬆一鬆......
平平無奇嘅一日，有個靚仔喺大陸小鎮一條公路等緊巴士，等咗冇幾耐，架巴士到站，上車嘅時候，靚仔見到個司機竟然係一個美女，就把握呢個機會，同個美女係咁吹水。
個美女都唔係好想理個靚仔，繼續安全駕駛，來到另一個停車站，有兩個惡型惡相嘅男人上車(我比個代號呢兩個人，一個叫林過雲，一個叫張子強)
又過左一陣，林過雲同張子強突然互望，拎把刀仔出來，叫所有人拎哂D 錢出來..... 原來係兩個土匪
當時車上坐滿人，個個都好驚，於是個個都拎哂所有野出來。好衰唔衰，林過雲同張子強發現左美女司機，於是色心起，強行叫個美女停車，然後拖左個美女落車，美女反抗，車上嘅男女老友都好驚，驚到唔郁得。
美女就咁比林過雲同張子強拖行去車外嘅一個草叢位....
片頭出現嘅靚仔喺車上見到呢個情形，大喝車上驚到唔敢郁嘅人「唔係唔幫手呀嘛，佢得兩個人.....」，靚仔見大家真係好驚，於是就覺得算L數，自己一條友落車救美女。
點知林過雲同張子強原來好好身手，打到靚仔傷到動彈不得，仲逼住睇林過雲同張子強姦個美女。
完事後，林過雲同張子強疾走，個美女上返自己架巴士，所有驚到唔敢郁嘅乘客係咁望住美女冇出聲，重傷嘅靚仔，夾硬企返身，諗住上返架巴士，點知美女趕左靚仔落車，靚仔呢個時候身心受傷，「我又要救你，救唔到你又要比你責怪，喺條公路比你趕落車」......
靚仔見到架巴士喺眼前慢慢消失， 佢就喺公路等，等順風車救佢，終於有架順風車車佢，架車一路行，見到前方有救護車，原來美女揸住架巴士，連人帶所有乘客衝左落山，美女原來喺攬炒前，放過曾經出手相助，但救唔到佢嘅靚仔。
睇完呢個短片，我唔係想話沈默大多數係抵死(試問誰人未發聲喺現階段太低層次啦)....我係想話
一、事件發生得幾激烈幾暴力，其實一啲都唔恐怖，最恐怖嘅唔係草叢後比人姦緊嘅場面，最恐怖係事發地點外個種平靜，巴士上個種「完事未?」
二、第二點係我今日想講嘅重中之重......到底人係唔係一定要守法？點解個美女要拖無辜嘅人落水，而唔係報警拉林過雲同張子強？佢咁做唔乎合法治社會所為？
所有嘅law都係維護社會同人民，如果law 係protect 唔到人民，抗衡唔到個執法者，人民就有權力唔守法去defend。
「人民是為了生存而守法，不是為了守法而生存」
你可以反對佢嘅暴力，但係你不一定要認同佢地應該接受法律嘅制裁....曾鈺成提出用特赦去解決而家個分裂，特赦就係Imply 左唔守法嘅人唔一定要受法律嘅制裁。
PS. 2019年6月7日係端午節，當日我笑緊從前一個傻仔，屈原，用自己條命去發表自己對政府嘅絕望，覺得只有古人先有呢件事發生。2019年6月，我發現，原來香港人真係會用呢個方法，用條命去defend。我覺得用sad無力呢啲講法太過過份煽情，我只係想話我地有端午節，就係要我地狠狠咁記住早喺戰國時期，用條命去動容個政府真係唔work，真係唔得，真架。
Search